[ندعوك للتسجيل في المنتدى أو التعريف بنفسك لمعاينة هذه الصورة] ولو حد من اعضاء المنتدى الكرام فى اى ائتلاف تبع شباب ثورة 25 يناير او اى شئ من هذا القبيل ياريت يعنى تحاول بليز توصل الفكرة دى انا فى رأيى لو اتعملت هتكون حاجة كويسة اوى وهنخلص من مشاكل كتير جدا واهو حوار مناقشة والكل يفيدنا برأيه برده
حول الموضوع الشائك ..كاميليا وغيرها ...اتكلم .اعتقد انه يمكن حل هذا الموضوع فى ثلاثة نقاط فقط لا غير ولا رابع لهم !!
يعنى فى رأيى ان هذه الثلاث نقاط قد تحل وتنهى ازمة مصر الطائفية التى سوف تبدأ بداية حقيقة بعد ساعات نستطيع عدها !!
ولو قمنا بتطبيق هذه الاقتراحات تحت القانون والنيابة والشرطة والجيش ( يعنى تحكم كامل ) هنقدر نسيطر على كل شئ ومن هنا ورايـــح مش هيبقى فى حد بيحس بأى اضطهاد صدقونــى
دول الثلاث نقاط واتمنى ان فكرتى محدش ينقلها من المنتدى لانى بحاول افيد البلد واخدم الناس واخدم يسوعـــى [ندعوك للتسجيل في المنتدى أو التعريف بنفسك لمعاينة هذه الصورة]
1 - ان يتم عمل جلسة بين كل ممثلى التيار الاسلامى وممثلى الكنيسة وبعض السياسيين وكل المهتمين بهذا الشأن فى الدولة ومن لهم سلطة قوية من اجل التوصل لحل عملى لقضية كاميليا ومن على شاكلتها سواء مسلم متحول الى المسيحية او مسيحي متحول الى الاسلام ... وايضا العالقين من المسيحين والمسلمين...وبصراحة عمل صفقة للانتهاء من هذا الموضوع كله
يعنى مثلا لو واحدة عايز تدخل الاسلام او المسيحية تروح للنيابة تقولهم انا فلانة بنت فلان عايزة احول ديانتى من الديانة كذا للديانة كذا هيقوموا النيابة تتصل بأهل البنت او الولد وتجيبهم ويجيبوا مثلا ناس من الكنيسة او الازهر ( تبع ديانة الى مبلغ انه عايز يحول ) النيابة هتقول للأزهر او الكنيسة بصوا انتم ليكم قاعدتين مع فلان ده او فلانة جلسة اقناع ونص وارشاد قدرتوا تقنعوه او تقنعوها يبقى كويس لو مقتنعش تستنوا عليه يومين وتعملوا جلسة ثانية والاخيرة اقتنع اهلا وسهلا مقتنعش خلاص يحول للديانة الى هو عايزها
[ندعوك للتسجيل في المنتدى أو التعريف بنفسك لمعاينة هذه الصورة] 2- وضع قانون ينص على كل هذا فى المستقبل يتفق عليه الطرفان لمن يريد ان يتجه الى دين بعينه فى المستقبل
ويبقى كمان مع القانون الى بينص ان اى شخص عايز يحول دينه يتعمل معاه الجلسات والكلام ده - يبقى فيه قانون بيقول ان الشخص ده لو مثلا تحول من الاسلام للمسيحية بعد جلسات الارشاد الاتنين دول وبعدها معجبوش الحال يروح عايز يرجل دينه تانى - لآ يتعمل له عقوبة قاسية زى القوانين الجنائية والكلام ده عشان متبقاش لعبة كل واحد يحول ويرجع كل خمس دقايق مش بلاى ستاشن احنا !!
[ندعوك للتسجيل في المنتدى أو التعريف بنفسك لمعاينة هذه الصورة] 3 - يمنع منعا باتا التحدث فى الصحف عن هذا الموضوع لان التدين ليس سلعة يعلن عنها وهو علاقة بين الانسان وخالقه
يعنى مش كل مجلة ولا جرنان يفضل ورا الاخبار لحد ما ينشرها كلها ويشعلل الدنيا مع الناس الى مخها تعبان ومش بتفكر يروحوا يولعوا ويحرقوا وبتاع !! يبقى الى عايز يحول اوكى بعيد عن الاعلام ويتعمل قرار او قانون يمنع الاعلام من التدخل فى المواضيع دى لان ده دين الدين بين الانسان وخالقه مش بين اتنين مش بنعمل شركة ولا محل احنا [ندعوك للتسجيل في المنتدى أو التعريف بنفسك لمعاينة هذه الصورة] ده رأيى والى نفسى يتعمل بجد ياريت تقولوا رأيكم وسامحونى لو كلامى رخم او حاجة وصلولى كتير لانى محتاجة صلواتكم